AQSh kompaniyasi Oyda geliy-3 qazib oladi

Batafsil o'qish:

2022 yilda asos solingan, yaqinda qo‘shimcha 15 million dollar sarmoya to‘plagan AQShning Interlune kompaniyasi Oyda geliy-3 qazib olishni rejalashtirmoqda. Bu haqda ArsTechnica nashri xabar berdi.

Kompaniya 2026 yilda Oy yuzasiga regolit namunalarini olib, so‘ngra ulardan geliy-3 ni ajratib olishga harakat qiladigan ko‘rgazmali transport vositasini yetkazishni rejalashtirmoqda. 2028 yilda Interlune Yerning tabiiy yo‘ldoshida birinchi resurs qazib olish zavodini qurish niyatida. 2030 yilda kompaniya geliy-3 ni Yerga yetkazishni boshlashni rejalashtirmoqda.

Nashrning yozishicha, Oy yuzasining yuqori qatlamlarida million tonnaga yaqin geliy-3 bor, bu resursning bir grammini ishlab chiqarish esa, ehtimol, yuzlab tonna regolitni qayta ishlashni talab qiladi. Bir litr geliy-3 minglab dollarga baholanadi, izotop o‘ta o‘tkazuvchan kvant kompyuterlarida, tibbiy tadqiqotlarda va termoyadroviy reaktorlarda qo‘llanilishi mumkin, deb xabar beradi lenta.ru.

Manba: www.aniq.uz