Fan va IT yangiliklari, Фан ва ИТ янгиликлари, Новости науки и информационных технологий, Science and IT news
Droid musiqa tinglash uchun Bluetooth dinamiklari, kameralar va datchiklar bilan jihozlangan bo‘lib, o‘z egasini tanishi va ortidan 10 km/soat tezlikda harakatlanishi mumkin.
Foto: Lucasfilm
Mashhur fantastik epopeya «Yulduzlar jangi» filmi kunini nishonlash uchun Disney kompaniyasi mashhur R2-D2 droididan ilhomlanib, cheklangan sonli G1T4-M1N1 robotini taqdim etdi.
Gizmodo ma’lumotlariga ko‘ra, Piaggio Fast Forward studiyasida yaratilgan yangi droid 2875 dollar turadi.
G1T4-M1N1 droidi musiqa tinglash uchun Bluetooth dinamiklari, kameralar va datchiklar bilan jihozlangan bo‘lib, o‘z egasini tanishi va ortidan 10 km/soat tezlikda harakatlanishi mumkin. Shuningdek, 9 kg yukni tashish imkoniyatiga ega. Batareya quvvati 7 soat uzluksiz ishlash uchun mo‘ljallangan.
Droid iOS va Android ilovalari orqali boshqarilishi mumkin va «ishonchli hamroh» bo‘lishi va’da qilinmoqda. Foydalanuvchilar unga nom berishi va xatti-harakatlarini sozlashi mumkin.
Droid Nyu-York shahridagi Tayms-skverda 6 mayga qadar namoyish etiladi va hozirdan onlayn buyurtma berish mumkin.
