O‘zbekistondagi xorijiy internet-kompaniyalarining daromadlari oshib bormoqda

O‘zbekistonda qo‘shilgan qiymat solig‘ini to‘laydigan xorijiy internet-kompaniyalar soni 40 tadan 56 taga, daromadlari esa 635,1 mlrd. so‘mga etdi. Bu o‘tgan yilning mos davriga nisbatan 348 mlrd. so‘m, ya’ni 1,8 barobar ko‘p, deb xabar bermoqda O‘zA.

Xabarga ko‘ra, “Netflix, Meta, Google, Apple kompaniyalari O‘zbekistondagi daromadlarini ikki barobarga oshirgan va natijada 2023 yilda 2022 yilga nisbatan 1,5 barobar ko‘p soliq to‘lagan. Ya’ni 2023 yilda O‘zbekistonda elektron xizmatlar ko‘rsatuvchi 56 ta xorijiy kompaniya 69,8 milliard so‘m soliq to‘lagan”.

Deyarli barcha soliq tushumlari 10 ta aniqrog‘i Meta, Google, Apple, Netflix, Amazon, Booking, Xsolla, Zoom, Yandex, Adobe Systems kompaniyalaridan tushgan.






Manba: www.aniq.uz