Finlyandiya Yevropa Ittifoqidan o‘q-dorilar uchun qo‘shimcha mablag‘ oldi

Finlyandiya mudofaa sanoatini rivojlantirish uchun Yevropa Ittifoqidan (EI) 32,5 million yevro mablag‘ oldi. Bu haqda Finlyandiya Mudofaa vazirligi ma’lum qildi, deb yozadi “Report” .

“Finlyandiya mudofaa sanoati o‘q-dorilar ishlab chiqarishni ko‘paytirish uchun YEIdan 32,5 million yevro oldi”, — deyiladi vazirlik xabarida.

Finlyandiya dastlab YEIdan 24 million yevro so‘ragan, biroq so‘ralganidan ko‘proq pul olgan.

Moliyalashtirish Yevropa mamlakatlari uchun Yevropa Ittifoqining o‘q-dorilarni qo‘llab-quvvatlash to‘g‘risidagi qonuni (ASAP) tomonidan taqdim etilgan 500 million yevrolik umumiy moliyaviy paketdan taqdim etildi.




Manba: www.aniq.uz