Iqtisodiy yangiliklar, Иқтисодий янгиликлар, Экономические новости, Economic news
UzAuto Motors Chevrolet Malibu XL avtomobili uchun qayta kontraktatsiya boshlanganini e’lon qilganidan bir soat o‘tmay, shartnomalar tugaganini ma’lum qildi. Bu model kontraktatsiyasi aprel oyi boshida to‘xtatilgandi.
Foto: UzAuto Motors
UzAuto Motors kompaniyasi 29 may kuni soat 14:40 da Shevrolet Malibu XL avtomobili uchun kontraktatsiya qayta boshlanganini ma’lum qildi.
Kompaniya bugundan boshlab har bir mijoz avtomobilni o‘ziga yoqqan rangda, kerakli modifikatsiyasida tanlash imkoniga egaligini xabar qildi.
Lekin oradan bir soat ham o‘tmay, soat 15:22 da barcha shartnomalar yakunlangani ma’lum qilindi. Rasmiy xabarda nechta shartnoma tuzilgani ochiqlanmagan.
Qayd etish lozim, soat 14:58 holatida ham, Uzavtosavdo.uz saytida Malibu XL avtomobili uchun shartnoma olish imkoniyati bo‘lmagan.
Ma’lumot uchun, UzAuto Motors Malibu sotuvini aprel oy boshida to‘xtatgandi.
“Yangilangan” Malibu XL sotuvi 2023 yil mart oyidan boshlangan. O‘shanda kompaniya 3 xil komplektatsiyada (XL 1LT – 375 mln so‘m; XL 2LT –390 mln so‘m; XL LTZ – 419 mln so‘m) sotuvga chiqarilishini e’lon qilgan. Amalda esa faqat eng qimmat komplektatsiyani xarid qilish mumkin edi.
Joriy yil aprel oyida ijtimoiy tarmoqlarda avtovozga ortilgan yangi Malibu-2 avtomobillari videosi tarqalgach, UzAuto Motors bu avtomobillar Xitoydan olib kelinayotganini bildirgandi.
UzAuto Motors har bir Malibu-2'ning ustiga 10 ming dollar “mindirib” pullayaptimi?
