Iqtisodiy yangiliklar, Иқтисодий янгиликлар, Экономические новости, Economic news
YeMBning asosiy foiz stavkasi yana 0,25 foiz punktiga, 2 foizgacha qisqartirildi. Bu asosiy stavkalarning so‘nggi qisqarishi, dedi regulyator rahbari Kristin Lagard.
Foto: Imago
Yevropa Markaziy banki (YeMB) asosiy stavkalarini yana pasaytirdi. Bazaviy foiz stavkasi yana 0,25 foiz punktga kamaytirilib, 2 foizgacha tushirildi, deya ma’lum qildi Yevropa regulyatori 5 iyun, payshanba kuni Frankfurt-Maynda. Bu bazaviy foiz stavkasining ketma-ket yettinchi va 2024 yilning o‘rtalaridan beri sakkizinchi pasayishdir.
Tijorat banklari YeMBdan qarz olishi mumkin bo‘lgan asosiy qayta moliyalash operatsiyalari stavkasi 2,15 foiz, qisqa muddatli qarzlar bo‘yicha foiz stavkasi 2,4 foiz qilib belgilangan.
Yevropa Markaziy banki so‘nggi pasayishni narxlarning barqarorlashuvi va AQSh savdo siyosati bosimi bilan izohladi. May oyida yevrohududdagi inflatsiya yana pasayib, YeMB maqsadli ko‘rsatkichdan 1,9 foizgacha tushib ketdi.
YeMB rahbari Kristin Lagardning aytishicha, bu tanaffus oldidan so‘nggi pasayishdir. «Biz pul-kredit siyosati siklining oxiriga yaqinlashmoqdamiz, bu davrda qator zarbalarga, jumladan, koronavirus, Ukrainadagi urush va energiya inqiroziga javob qaytardik», dedi u.
