Yevroittifoq Bolgariyani yevrohududga qabul qilishni tavsiya etdi

Yevrozona davlatlari Bolgariyani yevrohududga qabul qilishni tavsiya qildi. Yevroguruh rahbari Paskal Donoxyuning so‘zlariga ko‘ra, bugun yevroguruh Bolgariya yevroni qabul qilish uchun barcha zarur shartlarga javob beradi degan fikrda, bu Bolgariyaning 2026 yilda yevrohududning 21-a’zosi bo‘lish yo‘lidagi hal qiluvchi qadamdir, dedi yevroguruh rahbari Paskal Donoxyu. 

Tavsiyada Bolgariya 2026 yil 1 yanvardan yevroni joriy etishi taklif qilinadi. «Bu YeI Kengashi Bolgariyaning yevrohududiga a’zo bo‘lishi va kelasi yildan boshlab yevroni rasmiy valuta sifatida qo‘llashni boshlashi uchun zarur huquqiy hujjatlarni qabul qilish jarayonidagi birinchi qadam bo‘ladi», deyiladi press-relizda.

Ta’kidlanganidek, tavsiyanoma Yevropa Ittifoqining Iqtisodiy va moliyaviy kengashi (EKOFIN) tomonidan 20 iyundagi yig‘ilishida qabul qilinishi kerak. Shundan so‘ng, YeI Kengashi EKOFIN raisining Yevropa Kengashiga yo‘llagan xatini ma’qullaydi, Yevropa Kengashi esa, o‘z navbatida, 26-27 iyun kunlari bo‘lib o‘tadigan o‘z majlisida tasdiqlash uchun masalani qo‘yadi.

Hozirda Bolgariya pul birligi bolgar levidir. 2025 yil boshidan beri Bolgariya Shengen hududining to‘liq a’zosi bo‘lib, shu bilan birga, Yevropa Ittifoqidagi eng qashshoq mamlakat bo‘lib qolyapti.