Nabiullina: Rossiya iqtisodiy o‘sishi uchun ko‘plab resurslar tugadi

So‘nggi yillarda Rossiya iqtisodiy o‘sishini ta’minlagan ko‘plab resurslar tugab bo‘ldi, rasmiylar esa o‘sishning yangi modeli haqida o‘ylashi kerak, dedi Rossiya banki raisi Elvira Nabiullina 19 iyun, payshanba kuni Sankt-Peterburg xalqaro iqtisodiy forumida.

Nabiullina o‘z nutqida Rossiya prezidenti ma’muriyati rahbari o‘rinbosari Maksim Oreshkinning fikriga rozi bo‘ldi. «Endi, Maksim Stanislavovich (Oreshkin) iqtisodiy o‘sishning oldingi modeli tugagani haqida gapirganda, men ham bu yerda uning fikriga qo‘shilaman, u biz ikki yil davomida juda yuqori sur’atlarda o‘sganimizni aytdi, chunki bo‘sh resurslar, ishchi kuchi ishlatilgan», — deya Nabiullina so‘zlarini keltiradi RBK agentligi.

U o‘sishning boshqa manbalari sifatida import o‘rnini bosish, investitsiyalar uchun sarflangan Milliy farovonlik jamg‘armasida to‘plangan mablag‘lar va «bank tizimining kapital zaxirasi»ni keltirdi.