Dunyo yangiliklari, Дунё янгиликлари, Мировые новости, World news
Havo shari yuqori balandlikda yonib ketdi va yerga quladi.
Foto: Ijtimoiy tarmoqlar
Braziliyaning Santa-Katarina shtatida havo sharining qulashi oqibatida kamida sakkiz kishi halok bo‘ldi, deb xabar berdi shtat gubernatori Jorjinyo Mello.
«Samolyotda 21 kishi bo‘lgan – sakkiz nafari halok bo‘ldi, 13 nafari tirik qoldi... Vaziyatni kuzatishda davom etamiz», deb yozdi u.
Gubernator jabrlanganlar va marhumlarning oila a’zolariga barcha zarur yordamni ko‘rsatishga va’da berdi.
Havo shari yuqori balandlikda yonib ketdi. Halokat sabablari hozir o‘rganilmoqda, deb xabar berdi Globo. Dastlabki ma’lumotlarga ko‘ra, yong‘in havo shari savatidagi yondirgich tufayli boshlangan.
Hodisa sodir bo‘lgan vaqtda mintaqada havo ochiq edi. Shar tibbiyot markazi yaqinidagi qishloq hududiga qulagan.
Omon qolganlar, jumladan uchuvchi ham yaqin atrofdagi shifoxonalarga yetkazilgan.
