Dunyo yangiliklari, Дунё янгиликлари, Мировые новости, World news
Munsif Marzuqiyga nisbatan hukm sirtdan chiqarildi, u hozir Fransiyada qo‘nim topgan.
Munsif Marzuqiy Foto: REUTERS/Zoubeir Souissi
Tunis sudi sobiq prezident Munsif Marzuqiyni davlat xavfsizligiga putur yetkazganlikda ayblab, sirtdan 22 yilga ozodlikdan mahrum qildi. Bu haqda 21 iyun kuni Reuters xabar berdi.
Marzuqiy 2011 yildan 2014 yilgacha Tunisni boshqargan va hozirgi prezident Qays Saidning eng keskin tanqidchilaridan biri bo‘lib qolmoqda.
Yaqinda chiqarilgan hukm ketma-ket uchinchisidir: sobiq prezident avvalroq hokimiyatga qarshi chiqishda ayblanib, uzoq muddatli qamoq jazosiga hukm qilingan edi.
Marzuqiy ayblovlarni rad etib keladi. Uning so‘zlariga ko‘ra, Said parlamentni tarqatib, 2021 yilda yangi konstitutsiya qabul qilinganidan keyin avtoritar tizim qurmoqda.
Said 2019 yilda davlat rahbari etib saylangan va 2024 yilda ikkinchi muddatga qayta saylangan.
Marzuqiy ayni paytda Parijda yashayapti va ta’qiblardan qo‘rqmasligini, Tunisga qattiq nazorat boshqaruvi emas, balki demokratiya kerakligini aytib, tanqidlardan to‘xtamayapti.
