Dunyo yangiliklari, Дунё янгиликлари, Мировые новости, World news
AQSh yadroviy inshootlarga zarba berishidan bir necha kun oldin Eron Donald Trampga kommyunike yuborib, hujum sodir bo‘lgan taqdirda AQSh hududidagi terroristik yacheykalarini faollashtirish bilan tahdid qildi, deb xabar bermoqda NBC manbalarga tayanib.
Foto: Getty images
Ularning aytishicha, bu xabar AQSh prezidentiga o‘tgan hafta Kanadada bo‘lib o‘tgan «Yettilik guruhi» sammitida vositachi orqali yetkazilgan.
Bu kommyunikeda, shuningdek, Eron AQSh tarmoqlariga kiberhujumlar uyushtirishi va Tehron 2020 yilda Islom inqilobi muhofizlari korpusi generali Qosim Sulaymoniyning o‘ldirilishida aybdor deb hisoblagan AQShning amaldagi va sobiq hukumat amaldorlarini nishonga olishi mumkinligi aytilgan.
Oq uy telekanalning izoh so‘rovlariga javob bermadi, Eronning BMTdagi missiyasi esa izoh berishdan bosh tortdi.
