Ukraina Niderlandiya bilan xavfsizlik shartnomasini imzoladi

Bu haqda Vlodimir Zelenskiy ma’lum qildi.

Ukraina rahbarining so‘zlariga ko‘ra, kelishuv Niderlandiyaning joriy yilda 2 milliard yevro miqdorida harbiy yordam ko‘rsatishini va keyingi 10 yil ichida Ukrainaga mudofaa sohasida qo‘shimcha yordam ko‘rsatishni o‘z ichiga oladi. Bunda Ukraina havo hujumidan mudofaa, dengiz va havo kuchlarini mustahkamlash, uzoq masofaga mo‘ljallangan qurol-yarog‘lar bilan ta’minlashga alohida e’tibor qaratiladi.

"Kelishuv Niderlandiyaning Rossiyaga qarshi sanksiyalarni kuchaytirish, Moskvani Ukrainaga yetkazgan zararini to‘lashga majburlash va tajovuzkorni javobgarlikka tortish bo‘yicha prinsipial pozisiyasini rasmiylashtiradi", — deya qayd etadi Zelenskiy.

Bundan tashqari, hujjatda Niderlandiyaning Ukrainani kelajakda Yevropa Ittifoqi va NATOga a’zo bo‘lishini qo‘llab-quvvatlashi bayon etilgan.




Manba: www.aniq.uz