Nikaragua senegalliklar uchun AQShga olib boradigan eng qulay yo‘l(mi?)

“Associated Press” nashri yozishicha, Senegal poytaxtidagi sayyohlik agentliklari orasida Nikaragua eng qiziq manzil hisoblanadi, chunki aynan shu davlat Amerikaga ketish orzusini amalga oshirish istagidagi muhojirlar uchun eng qisqa yo‘l hisoblanadi, deya yozmoqda O‘zA.

Senegallik 40 yoshli Guyeva Ba Marokashdan qayiqda 11 marta Yevropaga o‘tishga harakat qilib ko‘rdi, biroq hech bir urinishi muvaffaqiyat keltirmadi. 2023 yil sobiq payvandchi Nikaraguaga uchib, keyin AQShga borish imkoni mavjudligi haqidagi yangi yo‘nalishni eshitib, quruqlik orqali Meksika shimoliy chegarasiga noqonuniy ravishda yetib borish rejasini tuzdi.



– Senegalda hamma Nikaragua haqida gapiradi, – deydi Ba iyul oyida Marokash, Ispaniya va Salvadorda to‘xtab, Nikaraguaga borish uchun salkam 6 million frank (10 ming dollar) to‘lagani haqida so‘zlarkan. – Bu yashiradigan sir emas.



Ba ikki oylik hibsdan so‘ng 2023 yil sentyabrda 131 vatandoshi bilan birga deportasiya qilinsa-da, minglab senegalliklar kabi Amerika orzusidan voz kechmadi.
Manba: www.aniq.uz