Dunyo yangiliklari, Дунё янгиликлари, Мировые новости, World news
Qo‘shma Shtatlar va G‘arb davlatlari G‘azo sektoridagi harbiy harakatlarni to‘xtatish uchun Isroilga qurol yetkazib berishni to‘xtatishi kerak. Bu fikrni Livan tashqi ishlar vaziri Bu Habib Antaliyadagi diplomatik forumda bildirdi.
???? «G‘arb va eng muhimi, Qo‘shma Shtatlar shunday qadam tashlamaguncha, Isroil agressiyasi davom etadi va agar Isroil Livanga hujum qilsa, mintaqaviy urushga aylanib ketishi mumkin», - dedi diplomat.
Uning so‘zlariga ko‘ra, Bayrut janubda kutilayotgan eskalasiyani diplomatik sa’y-harakatlar orqali hal qilishga urinmoqda.
???? «Isroil hukumati a’zolarining bayonotlaridan kelib chiqadigan bo‘lsak, ular janubda yanada qizg‘in harbiy amaliyotlar o‘tkazish niyatida, shuning uchun biz xalqaro vositachilar tomonidan olib borilayotgan diplomatik sa’y-harakatlarga umid bog‘laymiz», deb ta’kidladi Bu Habib.
Uning qo‘shimcha qilishicha, Livan Isroil bilan muammolarni yakuniy hal etishga tayyor, biroq 1967 yildagi arab-Isroil urushi davrida bosib olingan Sheba va Kfar Shuba hududlaridan ishg‘ol qo‘shinlarini olib chiqib ketish shartini qo‘ygan.
Manba: www.aniq.uz
