Kolumbiyada vertolyot halokatga uchradi, oqibatida to‘rt nafar polisiyachi halok bo‘ldi

Kolumbiya shimoli-g‘arbidagi Antiokiya departamentida Black Hawk vertolyotining halokatga uchrashi oqibatida to‘rt nafar polisiyachi halok bo‘ldi.

Bu haqda milliy polisiya rahbari Uilyam Rene Salamanka X (oldingi Twitter) sahifasida ma’lum qilgan.

“Kolumbiyani himoya qilish uchun mayor Xuan Morales, kapitan Sesar Rodriges va ikki boshliq Feder Selis va Rafael Gonsales Black Hawk 0614 falokatida o‘z hayotini qurbon qilishdi”, deb yozdi u.

“Mamlakat farovonligi uchun mehnat qilgan bu odamlarning oilalariga samimiy hamdardlik bildiraman”, deya hamdardlik bildirdi Kolumbiya Prezidenti Gustavo Petro X ijtimoiy orqali.

Voqea yuzasidan tergov boshlangan, deb xabar beradi report.az.


Manba: www.aniq.uz