Tunis sudi sobiq prezidentni sirtdan 8 yilga hukm qildi

Tunisning sobiq prezidenti Monsef Marzuki sud tomonidan sirtdan 8 yilga hukm qilindi.

Bu haqda «Mosaique FM» radiostansiyasi ma’lum qildi, deb yozadi «Report».

Jinoiy javobgarlikka tortilishiga sobiq davlat rahbari matbuot va ijtimoiy tarmoqlarda prezident Kays Said ma’muriyatini tez-tez tanqid qilgani sabab bo‘lgan. Sud Marzukiyni odamlarni hukmron tuzumni ag‘darishga undaganlikda, Tunisda tartibsizliklar, qotilliklar va talonchiliklarda aybdor deb topdi.

Eslatib o‘tamiz, Marzuki 2011 yil dekabridan 2014 yil dekabrigacha Tunis prezidenti bo‘lgan. Marzuki hozir Fransiyada yashaydi.




Manba: www.aniq.uz