Dunyo yangiliklari, Дунё янгиликлари, Мировые новости, World news
Britaniyalik fermerlar norozilik namoyishi uyushtirishdi – bir kun avval 200 dan ortiq traktor Kenterberi shahrida transport harakatini to‘sib qo‘ydi, deb yozdi "Telegraph" gazetasi.
Fermerlar yakshanba kuni oziq-ovqat importiga norozilik bildirish uchun Kenterberi bo‘ylab "sekin yurish" uyushtirishdi. Natijada tirbandlik yuzaga keldi va xalqa yo‘li to‘silib qoldi. Ba’zi haydovchilar dehqonlarni qo‘llab-quvvatlash uchun signal bergan.
Nashr yozishicha, ingliz fermerlari orasida daromad pastligi, xarajat yuqoriligi tufayli norozilik kuchaymoqda. Bundan tashqari, o‘tgan hafta Uelsda minglab fermerlar Kardiffdagi parlament Lindsi oldiga traktorlarda kelishdi. Bunga hokimiyatning subsidiya berish tartibini o‘zgartirish rejasi sabab bo‘ldi. Binobarin, endi qishloq xo‘jaligi ishlab chiqaruvchilari yerning bir qismini atrof-muhit muhofazasi choralari, masalan daraxt ekish uchun ajratishi kerak.
Britaniyalik fermerlar Yevropa Ittifoqidagi hamkasblari orasida norozilik kuchayib borayotgan bir paytda namoyish o‘tkazmoqda. Ular umumevropa qishloq xo‘jaligi siyosati o‘zgartirilishi, ko‘plab, jumladan ekologik cheklovlar olib tashlanishi, arzon xorijiy mahsulotlarni nazoratsiz olib kirish to‘xtatilishini talab qilmoqda.
Turli kasaba uyushmalari tashkilotlari fikricha, bu tadbir Yevropa Komissiyasi va ittifoqqa a’zo mamlakatlar siyosati tufayli amalda foyda bermaydi.
Manba: www.aniq.uz
