Livan hududidan Isroilga raketa hujumi oqibatida bir kishi halok bo‘ldi

Livandan Isroilga tankga qarshi raketa hujumi natijasida bir kishi halok bo‘ldi, yetti kishi yaralandi.

Isroilning KAN telekanaliga ko‘ra, zarbalar Margaliot shahriga berilgan.

Isroilning Red Star of David favqulodda xizmati xabar berishicha, raketa hujumi natijasida ikki nafar tailandlik ishchi jarohatlangan.

Livan Hizbullohi hozircha raketa hujumiga izoh bermagan.

Boshqa tomondan, Livanning NNA agentligining xabar berishicha, Isroil armiyasi Livan janubidagi Merkaba va Hula shaharchalarini artilleriyadan o‘qqa tutgan. Isroil kuchlari fosforli bombalardan ham foydalangan.

8 oktyabrdan beri chegarada Isroil armiyasi va Hizbulloh o‘rtasidagi to‘qnashuvlar davom etmoqda. Bu vaqt ichida to‘qnashuvlarda 45 nafar Livan fuqarosi, 229 nafar «Hizbulloh» isyonchisi, 11 nafar «Amal», 12 nafar «Islomiy jihod» a’zosi, 12 nafar «Hamas» a’zosi, shuningdek, olti nafar tinch fuqaro va 11 nafar Isroil askari halok bo‘ldi.
Manba: www.aniq.uz