Eron Ukrainadagi urushga «yomon ta’sir ko‘rsatmoqda»

Buyuk Britaniya mudofaa vaziri Grant Shapps Eron Rossiyaga ballistik raketalar yetkazib berish orqali nafaqat Yaqin Sharq mintaqasiga, balki Yevropaga ham «yomon ta’sir ko‘rsatayotganini» aytdi, deb yozadi Sky News.

Grant Shapps Eron raketalarining Rossiyaga yetkazib berilishi haqidagi razvedka ma’lumotlarini oshkor qilmadi, biroq bunday ma’lumotlar mavjudligini va Eron dunyodagi har qanday mojarolardan faol foydalanib, olovga moy sepayotganini ta’kidladi.

Avvalroq Eron Rossiyaga Ukraina shaharlariga qarshi rossiyalik qo‘shinlar tomonidan faol qo‘llanilayotgan uchuvchisiz uchoqlardan tashqari bir necha yuz kilometr masofaga uchadigan yuzlab ballistik raketalarni yetkazib berishga tayyorligi xabar qilingandi.

Eron Rossiyaga raketa yetkazib berayotganini rad etadi.


Manba: www.aniq.uz