Jeff Bezos yer yuzidagi eng boy odamga aylandi

“Bloomberg” talqiniga ko‘ra, Jeff Bezos “Tesla”, “SpaceX” va “X” ijtimoiy tarmog‘i egasi Ilon Maskni ortda qoldirib, dunyoning eng boy odamlari reytingida yetakchiga aylandi, deb yozmoqda “CNN” nashri. Bunga “Tesla” aksiyalari qiymati 7 foizdan ko‘proq pasayib ketgani sabab bo‘lgan.

“Amazon” asoschisining boyligi 200 milliard dollarni tashkil etgan bo‘lsa, Maskniki 198 milliard dollarga baholanmoqda. Indeks ma’lumotlariga ko‘ra, Mask o‘tgan yil davomida taxminan 31 milliard dollar yo‘qotgan, Bezos esa 23 milliard dollar daromad topgan.

Mask 2023 yilning may oyida “Louis Vuitton”, “Dior”, “Celine” kabi mashhur brendlarning egasi, dunyoning eng badavlat odami deb hisoblangan Bernard Arnoni daromadlar bo‘yicha ortda qoldirgan edi.

Uch milliarder – Arno, Mask va Bezos bir necha oy davomida birinchi o‘rin uchun bir-biri bilan raqobatlashib keladi.

Arnoning boyligi “LVMH” aksiyalari narxi ko‘tarilishi tufayli yanada ortdi.

Joriy yilning boshida AQShning Delaver shtati sudi sudyasi Maskning 2018 yilgi maosh paketini (50 milliard dollardan ortiq) chiqarib tashladi, bu esa uni dunyodagi eng boy odamlardan biriga aylantirishga yordam berdi.
Manba: www.aniq.uz