Armaniston tashqi ishlar vazirligi rahbari Ozarbayjon bilan tinchlik o‘rnatish imkoniyatini ma’lum qildi

Armaniston Ozarbayjon bilan mustahkam tinchlik shartnomasini tuzish imkoniyatiga ega. Bu haqda Armaniston tashqi ishlar vaziri Ararat Mirzoyan ma’lum qildi.

"Xalqlarimizga tinchlik kerak, deb hisoblayman. Dunyoning boshqa xalqlari kabi bizning xalqlarimiz ham tinchlikka loyiq va hech birimiz abadiy dushmanlikka mahkum emasmiz. Hozir haqiqatan ham bunga erishish imkoniga egamiz", - dedi Mirzoyan.

Armaniston TIV rahbari hozircha ozarbayjonlik hamkasbi Jeyhun Bayramov bilan yangi uchrashuv kutilmasligini, biroq tomonlar doimiy aloqani davom ettirishini ta’kidladi.






Manba: www.aniq.uz