Dunyo yangiliklari, Дунё янгиликлари, Мировые новости, World news
Kanadada mamlakat hukumati Isroilga harbiy mahsulotlar eksportini to‘xtatishni talab qilib, sudga murojaat qildi. Bu haqda CBC News xabar berdi.
Da’vo Xalqaro inson huquqlari bo‘yicha Kanada advokatlari (CLAIHR), Falastinda joylashgan «Al-Haqa Law» inson huquqlari tashkiloti va G‘azoda o‘ldirilgan kanadaliklarning bir guruh oila a’zolari tomonidan berilgan.
Hujjatda aytilishicha, Ottava Isroilga harbiy texnika yetkazib berishda davom etib, «xalqaro huquqiy majburiyatlarini» buzgan.
Xususan, Kanada tashqi ishlar vaziri Melani Joli va adliya vaziri Arif Viraniga qarshi ayblovlar ilgari surilgan.
Bayonotda qayd etilishicha, Kanadaning Import va eksportga ruxsat berish to‘g‘risidagi qonuni, agar ular «tinchlik va xavfsizlikka putur yetkazsa yoki xalqaro huquqni buzsa» qurol jo‘natishini taqiqlaydi. Isroilga qurol sotish uchun ruxsatnomalar berilayotganda bu qonun buzilganligi ta’kidlangan.
BMT maxsus ma’ruzachilari 23 fevral kuni qilgan bayonotida Isroilga qurol sotishni zudlik bilan to‘xtatishga chaqirdi, chunki ular G‘azo sektorida xalqaro qonunlarga zid ravishda qo‘llaniladi.
Manba: www.aniq.uz
