Qo‘shma Shtatlar G‘azoga dengiz yo‘lagi o‘rnatish uchun birinchi kemani yubordi

Qo‘shma Shtatlar G‘azo sektoriga gumanitar yordam yetkazish uchun dengiz yo‘lagi tashkil etish uchun asbob-uskunalar bilan kema jo‘natdi.

Bu haqda AQSh Markaziy qo‘mondonligi (CENTCOM) X ijtimoiy tarmog‘ida xabar bermoqda.

Hisobotda ta’kidlanganidek, AQSh harbiy-dengiz kuchlari kemasi General Frank S. Besson Lengli-Yustis bazasini tark etib, Sharqiy O‘rta yer dengiziga yo‘l oldi.

Qayd etilishicha, kema AQSh prezidenti Jo Bayden dengiz yo‘lagi yaratilishini e’lon qilganidan keyin 36 soatdan kamroq vaqt o‘tgach jo‘nab ketgan.

Aniqlik kiritilishicha, kema G‘azo sektoriga gumanitar yuklarni yetkazib berish uchun vaqtinchalik port yaratish uchun uskunalar olib ketmoqda.


Manba: www.aniq.uz