Berlinda avtomobil to‘qnashuvi oqibatida bir ayol halok bo‘ldi, yana 6 kishi jarohatlandi

Berlin markazida avtomobilning piyodalarni urib yuborishi oqibatida bir kishi halok bo‘ldi, kamida olti kishi jarohatlandi.

DPA ma’lumotlariga ko‘ra, hodisa savdo markazi yaqinidagi gavjum Leypsiger-shtrasse ko‘chasida sodir bo‘lgan. Hozircha noma’lum sababga ko‘ra, mashina piyodalar yo‘lagiga chiqib ketib, aravachali 41 yoshli ayolni urib yuborgan. Keyinroq u kasalxonada vafot etdi, 4 yoshli bolaning ahvoli og‘ir deb baholanib, zudlik bilan operasiya qilindi.

Mashinani 83 yoshli qariya boshqargan. Shuningdek, u kasalxonaga yotqizilgan va u yerda ambulator yordam ko‘rsatilgan va qon tahlili uchun olingan. Uning harakatlari tufayli Leypsiger shtrassida yana ikkita mashina to‘qnashib ketdi. Mashinalardan birining haydovchisi kasalxonaga yotqizilgan.

Hodisa sabablariga oydinlik kiritilmoqda.




Manba: www.aniq.uz