Yaponiya va O‘mon sintetik metan ishlab chiqaradi

Bu ikki hamkor davlat gaz sektorini karbonsizlantirish maqsadida 2026 yildan boshlab O‘monda vodorod va karbonat angidrid (CO2)dan sintez qilinadigan metanni ommaviy ravishda ishlab chiqara boshlaydi. Loyihada tegishli texnologiyaga ega “Hitachi Zosen” ishtirok etadi. Korxona o‘z biznesini kengaytirish orqali ishlab chiqarish xarajati, ya’ni mavjud yonilg‘i turlaridan qariyb besh barobar yuqori ko‘rsatkichni sezilarli darajada kamaytirishni ko‘zlagan.

Sintetik metan “elektron metan” deb ham ataladi. Odatiy metan shahar gazi bilan bir xil maqsadda ishlatiladi va yonganda CO2 chiqaradi. Sintetik metan esa atmosferaga tarqaladigan karbonat angidridni ushlaydi va xom ashyo sifatida ishlatadi.








Manba: www.aniq.uz