Dunyo yangiliklari, Дунё янгиликлари, Мировые новости, World news
Uning so‘zlariga ko‘ra, mazkur hudud payshanba kunidan beri tabiat hodisasidan aziyat chekmoqda. Zero, daryo o‘zani kuchli yomg‘ir natijasida hosil bo‘ladigan kuchli oqimga dosh bera olmayapti.
Idvan “Sinxua” agentligi muxbirga telefon orqali ma’lum qilishicha, qurbonlarning aksariyati Pesisir Selatan tumanida topilgan.
– Odamlar nafaqat kuchli suv oqimiga uchragan, balki ko‘chki payti qalin tuproq ostida qolganlar ham ko‘p, – dedi u.
Qo‘shimcha qilinishicha, kuchli oqim 16 ko‘prikni qulatib, yo‘llarni to‘sib qo‘ygan, uylar vayron bo‘lib, jabrlanganlarga yordam tarqatish qiyinlashgan. Hozirgacha 19 kishi halok bo‘lgani, 7 insonning taqdiri noma’lumligi aytildi.
Mintaqaviy tabiiy ofatni boshqarish va oqibatlni yumshatish agentligi favqulodda holat bo‘limi rahbari Fajar Sukma shanba kuni suv toshqini kamaygani, biroq o‘n minglab uy hamon suv ostida qolayotganini aytdi.
Uning so‘zlariga ko‘ra, bedarak yo‘qolganlarni qidirish amaliyoti davom etyapti. Jarayonga qutqaruv xodimlari, askarlar, polisiya va ko‘ngillilar jalb qilingan.
Manba: www.aniq.uz
