Shveysariya Alp tog‘larida bedarak yo‘qolgan olti chang‘ichidan besh nafari o‘lik holda topildi

Shveysariya Alp tog‘larida g‘oyib bo‘lgan olti chang‘ichidan besh nafari vafot etdi.

Bu haqda Vale kantoni polisiyasi xabar berdi.

“9-martdan beri Zermatt-Arolla piyoda yurish yo‘nalishida faol qidirilayotgan olti kishidan besh nafari kechqurun [10-mart] o‘lik holda topildi”, — deyiladi polisiya bayonotida.

Qayd etilishicha, uch nafar qutqaruvchi va polisiyachidan iborat guruh mahalliy vaqt bilan soat 21:20da qurbonlarning jasadlarini topdi.

Oltinchi chang‘ichini qidirish davom etmoqda.


Manba: www.aniq.uz