Netanyaxu o‘z mamlakatiga isnod keltirdi – Fahrettin Altun

Turkiya prezidenti huzuridagi Kommunikasiya boshqarmasi boshlig‘i Fahrettin Altun Isroil X ijtimoiy tarmog‘ida ishg‘ol ostidagi Falastin zaminida sodir etayotgan urush jinoyatlarini yashirish va haspo‘shlash uchun turli yolg‘on, dezinformasiya va bo‘htonlarni ishga solayotganini qoralab, bu borada Turkiyaning tutgan yo‘liga to‘xtaldi. Quyida uning fikrlarini to‘liq holda e’tiboringizga havola etamiz.

"Netanyaxu yana o‘z jinoyatlarini haspo‘shlash uchun mamlakatimizga ayblar yog‘dirmoqda. Uning begunoh insonlarga qilgan tarixiy qirg‘inlarini yashira oladigan hech qanday yolg‘on, dezinformasiya va bo‘hton mavjud emas. Tarix uni bu mintaqa uchun ham, o‘z mamlakati uchun ham eng halokatli rahbar sifatida baholab bo‘ldi.

O‘z yurti, tinchlik va farovonlik yo‘lida barcha narsani, jumladan, o‘z jonini ham fido qiladigan rahbarlar bor. Ular o‘z fuqarolarining turmushini yaxshilash, qo‘shnilar bilan yaxshi munosabatlarni yo‘lga qo‘yish yo‘lida kechayu kunduz mehnat qiladilar. Ular global ishlarda haqiqat va adolat tarafdori bo‘lishadi, zero zimmalaridagi tarixiy burchni yaxshi anglaydilar. Prezidentimiz Erdo‘g‘an mana shunday rahbarlardan. Biz Turkiya vatandoshlari sifatida bunday rahbarga ega ekanligimizdan faxrlanamiz.

Shu bilan birga, o‘z g‘arazli siyosiy maqsadlari yo‘lida umuminsoniy qadriyatlar va odob-axloqni qurbon qiladiganlar ham mavjud. Ular o‘zlari ishg‘ol etgan hududlarda haminqadar kun kechirayotgan kishilarni yo‘q qilish rejalarini o‘ylab topish uchun kechayu kunduz tinim bilishmaydi. Ular mudom o‘z qo‘shnilarida beqarorlik, mojaro va urushlarni keltirib chiqarish bilan shug‘ullanishadi. Ular muntazam ravishda adolatsizlik qilishadi, chunki o‘zlaridan boshqalarning farovonligi haqida qayg‘urmaydilar. Netanyaxu o‘z mamlakatiga isnod keltirgan shunday liderlardan biridir.



Netanyaxu va uning hukumati olib borayotgan etnik tozalash natijasida falastinliklar nehad jabr tortdi va azob chekishda davom etmoqda. Biz esa qo‘limizdagi bor kuchimiz bilan uning siyosatiga qarshi kurashishda davom etamiz. Uning yolg‘onlari, aldovlari, nayrangli ayblovlari va mavzuni o‘zgartirishga bo‘lgan urinishlari bizni sira cho‘chitmaydi.
Manba: www.aniq.uz