Polshada qancha amerikalik askar borligi ma’lum qilindi

Polshada 10 ming nafar amerikalik askar joylashgan, dedi AQShning Varshavadagi elchisi Mark Bjezinski PAP agentligiga.

“Ayni paytda 10 ming nafar amerikalik askarlar butun Polsha bo‘ylab mashg‘ulotlar o‘tkazmoqda, Polsha armiyasi bilan mashg‘ulotlarda qatnashmoqda va eng yuqori texnologiyali qurollardan foydalanmoqda. Polsha NATOda muhim rol o‘ynab, Ittifoqning sharqiy qanotini himoya qilishga yordam beradi”, — dedi diplomat.

“Abrams tanklari, F-16 qiruvchi samolyotlari, HIMARS tizimlari — bu Polsha va alyansning mudofaa qobiliyati uchun juda muhim bo‘lgan harbiy texnika”, — deya qo‘shimcha qildi u.






Manba: www.aniq.uz