Blinken Yamaykaga bordi

AQSh Davlat kotibi Entoni Blinken Karib dengizi hamjamiyati (KARIKOM) rahbarlari bilan Gaitidagi inqirozni hal etishni muhokama qilish uchun Yamaykaga bordi.

Bu haqda u “X” ijtimoiy tarmog‘ida ma’lum qildi.

“Gaiti xalqini qo‘llab-quvvatlash, zo‘ravonlik va tartibsizliklar avj olishini to‘xtatish va siyosiy o‘tish jarayonini tezlashtirish uchun birgalikda harakat qilishimiz muhim”, dedi davlat kotibi.

Bungacha KARIKOM Gaitining asosiy hamkorlarini mamlakatda kuchayib borayotgan banditizm vaziyatiga yechim topish uchun 11-mart kuni uchrashishga taklif qilgan edi.




Manba: www.aniq.uz