Zelenskiy: Ukrainaga xorijiy qo‘shinlar kerak emas

Ukraina qurolli kuchlari o‘q-dorilar taqchilligi tufayli qiyinchiliklarni boshdan kechirmoqda.

Bu haqda Ukraina prezidenti Vladimir Zelenskiy BFMTV telekanaliga bergan intervyusida aytib o‘tdi.

“Bizda snaryadlarning yo‘qligi, havo blokadasi, Rossiyaning uzoq masofali raketalari va rus dronlarining yuqori zichligi bilan bog‘liq ba’zi qiyinchiliklar bor”, — dedi Zelenskiy.

Fransiya prezidenti Emmanuel Makronning Ukrainaga G‘arb davlatlaridan harbiy xizmatchilarni yuborish imkoniyati haqidagi so‘zlariga izoh berish so‘roviga javoban u “Ukraina o‘z hududida xorijiy qo‘shinlarga muhtoj emas”, deb javob berdi. Shu bilan birga, u "Leopard" tanklari va "Caesar" o‘ziyurar qurollari "ta’mirlash uchun Yevropaga yuborilayotganini" ta’kidlab, G‘arb uskunalariga xizmat ko‘rsatish uchun texnik xodimlarni yuborish haqida o‘ylashni taklif qildi.




Manba: www.aniq.uz