RFning Ivanovo viloyatida Il-76 samolyoti halokatga uchradi

Rossiyaning Il-76 harbiy-transport samolyoti Ivanovo viloyatida rejali parvoz vaqtida halokatga uchradi. Bu haqda Rossiya davlat OAVlari Rossiya Mudofaa vazirligiga tayanib xabar berdi.

«12 mart kuni Moskva vaqti bilan taxminan 13:00 da Ivanovo viloyatida Il-76 harbiy-transport samolyoti rejalashtirilgan reysga ko‘tarilayotganda halokatga uchradi. Bortda sakkiz nafar ekipaj a’zosi va yetti nafar yo‘lovchi bo‘lgan», — deyiladi Rossiya departamenti xabarida.

Boshqarma ma’lumotlariga ko‘ra, Il-76 halokatiga dvigatellardan biridagi yong‘in sabab bo‘lgan.

Rossiya Aerokosmik kuchlari Bosh qo‘mondonligi komissiyasi samolyot halokati sabablarini aniqlash uchun Ivanovo aerodromiga uchib ketdi.


Manba: www.aniq.uz