Dunyo yangiliklari, Дунё янгиликлари, Мировые новости, World news
Xitoylik olimlar qon oqimini ko‘rish uchun fotoakustik qurilmani ixtiro qilishdi. U qo‘l soatidek kichik o‘lchamga ega.
Barcha yordamchi uskunalar, shu jumladan quvvat manbai va lazer og‘irligi 7 kilogrammdan oshmaydigan ryukzakka joylashtirilgan.
Tadqiqotchilar gajetning ishlash prinsipi haqida ma’lumot berishdi. Yorug‘lik energiyasi issiqlikka aylanadi. Natijada tana harorati o‘zgara boshlaydi. Termoelastik kengayish tufayli aniqlanishi mumkin bo‘lgan tovush to‘lqinlari chiqa boshlaydi. Ultratovushdan farqli ravishda fotoakustika anatomik tasvirlardan ko‘ra aniq, yuqori aniqlikdagi funksional va tizimli tasvirlar hosil bo‘ladi.
Ushbu texnikadan foydalanib, to‘qimalarni 30 millimetr chuqurlikkacha skanerlash mumkin. Bu qon tomirlarining holatini va qondagi kislorod bilan to‘yinganlik darajasini baholash uchun muhimdir. Tadqiqot muallifi Ley Sining ta’kidlashicha, bu tibbiyotda amaliy foydalanish uchun mos bo‘lgan dunyodagi birinchi fotoakustik qurilma. Yurak urishi tezligi, qon bosimi va qonning kislorod bilan ta’minlanishi darajasini tahlil qilish orqali odamning yuragi qanchalik yaxshi ishlayotganini aniqlash mumkin.
Qurilma allaqachon turli sharoitlarda bir nechta ko‘ngillilarda sinovdan o‘tkazildi. Sinov tizimning umumiy foydalanish uchun qulayligini va yuqori darajada barqarorligini tasdiqladi. Kelajakda qurilmani yaxshilash va uning o‘lchamlarini kichraytirish mumkin. Aqlli soatlar korpusiga barcha kerakli komponentlarni joylashtirish orqali ryukzakdan voz kechish mumkinligiga olimlarning ishonchi komil. Qurilmadan nafaqat qon tomirlarining holatini baholash, balki saraton va yurak-qon tomir tizimi kasalliklarini dastlabki bosqichlarda aniqlash uchun ham foydalanish mumkin, deb xabar beradi techcult.ru.
Manba: www.aniq.uz
