Burkina-Fasodagi masjidga uyushtirilgan hujumda o‘nlab odamlar halok bo‘ldi

Yakshanba kuni Burkina-Faso sharqidagi masjidga uyushtirilgan hujum oqibatida o‘nlab musulmonlar halok bo‘ldi. Bu haqda mamlakat Islom uyushmalari federasiyasi ma’lum qildi.

Bayonotda aytilishicha, yakshanba kuni Natiaboani tumanidagi masjidga uyushtirilgan hujumda kamida 14 musulmon halok bo‘lgan.

Ulardan ikki nafari shifoxonada, qolganlariga voqea joyida vafot etgan.

Qurbonlar orasida harbiylar va “Vatan himoyasi ko‘ngillilari” tashkiloti a’zolari ham bor.

Xuddi shu kuni Burkina-Faso shimolidagi Sahel mintaqasidagi Essakane qishlog‘ida katolik cherkoviga uyushtirilgan hujumda yana 15 kishi halok bo‘ldi. Bu haqda cherkov vakili ma’lum qildi.


Manba: www.aniq.uz