Dunyo yangiliklari, Дунё янгиликлари, Мировые новости, World news
Ukraina prezidenti Volodimir Zelenskiy Qrimga bo‘lgan da’volaridan voz kechishga tayyor, bu haqda AQSh yetakchisi Donald Tramp Vatikanda u bilan uchrashuvdan so‘ng ma’lum qildi.
Foto: REUTERS
«Men shunday deb o‘ylayman», deb javob berdi Tramp jurnalistning Zelenskiy Qrimga bo‘lgan da’volaridan voz kechishga tayyorligi haqidagi savoliga.
«Bu 11 yoki 12 yil oldin sodir bo‘ldi. Bu ancha vaqt oldin ro‘y bergandi. 12 yil davomida hech kim bu haqda yozmagan. Balki biz Obamadan so‘rashimiz kerakdir», dedi AQSh prezidenti.
Amerika yetakchisining aytishicha, Zelenskiy bilan uchrashuv yaxshi o‘tgan.
«U menga ko‘proq qurol kerakligini aytdi, lekin uch yildan beri unga ko‘proq qurol kerakligini aytyapti. Va endi nima bo‘lishini ko‘ramiz», — dedi Tramp.
Shu bilan birga, AQSh prezidentining fikricha, Zelenskiy «xotirjam bo‘lib», tinchlik kelishuviga erishishdan ko‘proq manfaatdordir.
Shanba kuni ertalab Tramp Zelenskiy bilan uchrashdi. G‘arb ommaviy axborot vositalari ularning Vatikandagi Avliyo Pyotr soborida bir-biriga qarama-qarshi stullarda o‘tirgani aks etgan fotosuratlarni chop etdi.
Tramp Rimga juma kuni kechqurun yetib keldi. Shanba kuni u Vatikanda Rim papasi Fransiskni dafn etish marosimida ishtirok etdi. Shundan so‘ng AQSh prezidenti Rimdan vataniga uchib ketdi.
