Rossiyadagi qurilishda o‘zbekistonlik ishchi halok bo‘ldi

Rossiyaning Kemerevo shahridagi qurilish maydonida o‘zbekistonlik migrant halok bo‘ldi. 

Mahalliy matbuot ma’lum qilishicha, voqea 25 aprel kuni shahar markazida qurilayotgan madaniyat obektida yuz bergan. 

Betonchi bo‘lib ishlagan 46 yoshli o‘zbekistonlik erkak taxminan 15 metrlik balandlikdan tushib ketgan. Uni hamkasblari topib olgan.

Ayni paytda dastlabki surishtiruv ishlari olib borilmoqda, hodisa sabablari o‘rganilmoqda.