Evropa Ittifoqi Rossiyaga qarshi yangi sanksiyalar joriy etish muddatini e’lon qildi

Evroparlamentning Chexiya Respublikasidan bo‘lgan a’zosi Tomash Zdexovski Yevropa Ittifoqi qachon Rossiyaga qarshi yangi sanksiyalar joriy etish niyatida ekanini aytdi.

Bu haqda u “Izvestiya” nashri bilan suhbatda gapirdi.

Zdexovskiy Rossiyaga qarshi yangi sanksiyalar joriy etish muddatini e’lon qildi va Yevropa Ittifoqi Yevroparlamentga saylovlar oldidan 14-cheklov paketini qabul qilishiga aniqlik kiritdi.

"Yangi sanksiyalar iyun oyi boshida kiritilishi mumkin. Bu iqtisodiyotning muayyan tarmoqlariga nisbatan maqsadli chora-tadbirlar bo‘ladi. Ayni paytda a’zo davlatlar o‘rtasida bu boradagi munozaralar davom etmoqda", - dedi u.

O‘z navbatida, Germaniyadan Yevroparlament a’zosi Gunnar Bek G‘arb rasmiylari uchun yana bir qiyinchilikka e’tibor qaratdi. Uning fikriga ko‘ra, "ularda sanksiyalar qo‘llashi mumkin bo‘lgan deyarli hech narsa qolmagan".


Manba: www.aniq.uz