Dunyo yangiliklari, Дунё янгиликлари, Мировые новости, World news
Ukraina Qurolli kuchlari bosh qo‘mondoni jangovar tajribaga ega bo‘lmagan hududiy shakllantirish markazlaridan harbiy xizmatchilarni jangovar hududlarga jo‘natish haqida buyruq berdi. Ularning lavozimlarini jangovar harakatlar faxriylari egallaydi.
Foto: president.gov.ua
Ukraina Qurolli kuchlari oliy bosh qo‘mondoni Aleksandr Sirskiy hududiy shakllantirish va ijtimoiy qo‘llab-quvvatlash markazlarining jangovar tajribasi va sog‘lig‘i bo‘yicha cheklovlari bo‘lmagan harbiy xizmatchilarini frontga jo‘natishni buyurdi. Bu haqda 29 aprel, seshanba kuni Ukraina Qurolli kuchlari Bosh shtabi ma’lum qildi.
HShMdagi (harbiy komissarlik bo‘limlari analogi) bo‘shagan lavozimlarni yaralangan yoki kontuziyaga uchragan va shu sababli jangovar qismlarda o‘z xizmat vazifalarini bajara olmagan harbiy xizmatchilar egallaydi.
«Ushbu chora-tadbirlar HShM ish sifatini oshirish va ijtimoiy adolat tamoyillariga rioya etilishini ta’minlashga qaratilgan bo‘lib, bu harbiy jamoalarda birodarlik, jangovar ruh va o‘zaro hurmatni mustahkamlashga yordam beradi», deya ma’lum qildi Bosh shtab.
Ukraina Qurolli kuchlari, shuningdek, to‘liq miqyosli urushning dastlabki uch yilida HShMning barcha rahbarlari rotatsiyasi amalga oshirilganligini esga oldi, shuning uchun u yerda xizmat qilayotganlarning deyarli 70 foizi jangovar tajribaga ega. Shu bilan birga, HShM xodimlarining qariyb yarmi «harbiy harakatlar paytida yaralangan (kontuziya bo‘lgan) himoyachilar». Bundan tashqari, HShM xodimlarining 20 foizi Ukraina Qurolli kuchlarining fuqarolik xodimlaridir, deya ta’kidlanadi ma’lumotda.
