Erkak sobiq xotinidan buyragini qaytarishni talab qilmoqda

AQShda erkak sobiq xotinidan buyragini qaytarishni yoki 1,5 million dollar tovon puli to‘lashni talab qilmoqda, – deb yozadi Independent.

OAV yozishicha, Richard Baptistaning rafiqasi ajrashish uchun ariza berganida, erkak unga shart qo‘ygan: yo u donor sifatida bergan buyragini qaytarib beradi, yoki 1,5 million dollar tovon to‘laydi. Erkak, garchi nikohi allaqachon xavf ostida bo‘lgan bo‘lsa-da, o‘z harakati bilan rafiqasining hayotini saqlab qolganini da’vo qilmoqda.

“Mening birinchi vazifam uning hayotini saqlab qolish edi”, – deydi u.

Okrug Oliy sudi Richardning da’volarini rad etib, uning buyragi sovg‘a ekanligi va u tovon ololmasligi haqida qaror chiqardi. Bundan tashqari, shifokorlar erkakning buyragini sobiq xotinidan olishni taqiqlashdi.

“Richardning pul tovonini olishga urinishlari nafaqat qonun hujjatlariga zid, balki uni jinoiy javobgarlikka tortish uchun asos bo‘lishi ham mumkin”, — deyiladi sud bayonotida.


Manba: www.aniq.uz