Kallas: Putin Zelenskiy bilan uchrashishga jur’at eta olmaydi

Yevropa Ittifoqining tashqi ishlar va xavfsizlik siyosati bo‘yicha oliy vakili Kaya Kallas Rossiya Turkiyada Ukraina bilan tinchlik muzokaralaridan manfaatdor bo‘lishiga ishonmayapti. «Ular Ukrainani bombardimon qilishda davom etmoqda. Agar ular tinchlikdan manfaatdor bo‘lsalar, buni darhol to‘xtatishlari mumkin edi», dedi Kallas 13 may, seshanba kuni Daniya poytaxtida bo‘lib o‘tgan Kopenhagen demokratiya sammiti chog‘ida.

U Ukraina «sharsiz o‘t ochishni to‘xtatish»ga rozi bo‘lganiga ikki oydan ko‘proq vaqt o‘tganini esladi. «Rossiya yaqqol o‘yin o‘ynamoqda, vaqt o‘z tomonida bo‘lishiga umid qilib, vaqtdan foydalanishga harakat qilmoqda. Biz ular tomondan hech qanday ijobiy harakatlar yoki yaxshi belgilarni ko‘rmayapmiz», — dedi Yevropa diplomatiyasi rahbari.

Ukraina va Rossiya prezidentlari Volodimir Zelenskiy va Vladimir Putinning ehtimoliy uchrashuvi haqida gapirar ekan, Kallas, agar ular haqiqatda muzokara stoliga o‘tirishsa, bu «yaxshi qadam» bo‘lishini ta’kidladi. «Ammo u, Putin, jur’at eta olmaydi deb o‘ylayman», — deya qo‘shimcha qildi u.