Dunyo yangiliklari, Дунё янгиликлари, Мировые новости, World news
Britaniya va Kanada bosh vazirlari va Fransiya prezidenti qo‘shma bayonotda Isroil G‘azodagi amaliyotini to‘xtatmasa va yordamga qo‘yilgan cheklovlarni bekor qilmasa, «aniq choralar ko‘rish» bilan tahdid qildi.
Foto: Getty images
Bi-bi-si muxbiri xabar berishicha, Kir Starmer, Mark Karni va Emmanuel Makron har doim Isroilning o‘zini himoya qilish huquqini qo‘llab-quvvatlaganliklarini, ammo endi uning G‘azo sektoriga yangi hujumini mutlaqo nomutanosib javob deb bilishlarini ta’kidladilar.
Britaniya, Fransiya va Kanada rahbarlari Isroil hukumatining sektorga zarur bo‘lgan minimal miqdordagi gumanitar yordamni olib kirishga ruxsat berish haqidagi qarorini vaziyatga mutlaqo noadekvat reaksiya deb baholamoqda.
Bayonotda bu davlatlar Isroilga qarshi qanday «aniq harakatlar» qilishi mumkinligi haqida aniq ma’lumot berilmagan.
Isroil bosh vaziri Binyamin Netanyaxu Starmer, Makron va Karnining bayonotini «2023 yil 7 oktyabr genotsidni sodir etganlar uchun katta mukofot» deb atadi va Isroil HAMAS mag‘lub bo‘lguncha kurashadi, dedi.
