Dunyo yangiliklari, Дунё янгиликлари, Мировые новости, World news
Germaniya tashqi ishlar vaziri Yoxann Vadeful fikricha, Rossiya prezidenti Vladimir Putin tinchlikdan manfaatdor emas va urushni davom ettirmoqchi. Trampning maxsus vakili Kellog Moskva Jyeneva konvensiyalarini ochiqdan ochiq buzayotganini aytdi.
Yoxann Vadeful Foto: Khalil Hamra/AP/dpa/picture alliance
Germaniya tashqi ishlar vaziri Yoxann Vadeful 25 may, yakshanba kuni Kiyev ittifoqchilari Rossiyaning Ukrainani ommaviy o‘qqa tutganiga javoban Moskvaga qarshi qo‘shimcha sanksiyalar joriy etishi kerakligini aytdi.
«Putin tinchlikdan manfaatdor emas, u bu urushni davom ettirmoqchi va biz bunga yo‘l qo‘ymasligimiz kerak, shuning uchun Yevropa Ittifoqi qo‘shimcha sanksiyalar bo‘yicha kelishib oladi», — dedi Vadeful ARD telekanalida. Germaniya tashqi ishlar vazirligi rahbari G‘arb davlatlarini Ukraina urush boshlanganidan beri Rossiya tomonidan eng yirik o‘qqa tutilishiga «qat’iy munosabatda bo‘lishga» chaqirdi.
«Biz buni qabul qila olmaymiz», dedi Vadeful. Uning so‘zlariga ko‘ra, Putinning siyosati «Putinni muzokaralar stoliga o‘tirishga ko‘p uringan AQSh prezidenti Donald Tramp uchun ham haqoratdir».
Rossiya zarbasini AQSh prezidenti Donald Trampning Ukraina bo‘yicha maxsus vakili Kit Kellogg ham izohladi. «Bu Kiyev, - deb yozdi u X ijtimoiy tarmog‘ida yong‘in nuri bilan yoritilgan tutun ustunlari suratini ilova qilib. - Ayollar va bolalarning tunda uylarida o‘ldirilishi 1977 yilgi Jyeneva Tinchlik protokollarining aniq buzilishi. Bu hujumlar sharmandalikdir. Qotilliklarni to‘xtating. Otashkesimga erishing».
