Zelenskiy: Rossiya butun dunyoga nafratini bildiryapti

Ukrainadagi vaziyatni tinch yo‘l bilan tartibga solishga urinishlarga javoban Rossiya hukumati butun dunyoga nafrat bildirdi. Bunday fikrni Volodimir Zelenskiy 4 iyun, chorshanba kuni Vladimir Putin va Donald Tramp o‘rtasidagi telefon suhbati yakuni bo‘yicha bildirdi.

«Ko‘pchilik Rossiya bilan turli darajalarda gaplashdi. Hech qanday suhbat nafaqat uzoq muddatli tinchlikka, hattoki urushni tugatishga ham olib kelgani yo‘q. Afsuski, Putin o‘zini jazosiz his qilmoqda va hatto Rossiyaning barcha dahshatli zarbalaridan keyin ham u go‘yo yana bir qancha javoblar tayyorlamoqda», deb yozdi Ukraina prezidenti Telegramʼda.

«Har bir yangi zarba, diplomatiyadagi har bir yangi kechikish bilan Rossiya butun dunyoga nafrat ko‘rsatyapti. Rossiyaga bosimni kuchaytirishni istamaydigan har bir kishiga», — deya qo‘shimcha qildi Zelenskiy. U «urushning o‘z bahosi borligini his qilishi» uchun Moskvaga bosim o‘tkazishga chaqirdi.

Putin bilan suhbatdan so‘ng Tramp bu «zudlik bilan tinchlikka olib keladigan suhbat emasligini» aytdi. «Putin aerodromlarga yaqinda qilingan hujumga javob berishga majbur bo‘lishini qat’iy aytdi», — deb yozadi respublikachi.