So‘nggi 24 soat ichida G‘azoda to‘qqiz bola ochlikdan o‘ldi – OAV

G‘azo sektoridagi shifoxonalarda so‘nggi 24 soat ichida kamida to‘qqiz bola ochlikdan vafot etdi, deb xabar beradi Al Jazeera telekanali Falastin hukumatiga tayanib.

Telekanal ma’lumotlariga ko‘ra, so‘nggi 24 soat ichida anklav shimolidagi Kamol Advan shifoxonasida yetti nafar bola to‘yib ovqatlanmaslikdan vafot etgan. Yana bir nechtasi og‘ir ahvolda qolmoqda, ularga g‘amxo‘rlik qilish qiyin, chunki shifoxonada elektr generatorlari uchun yoqilg‘i tugamoqda.

Anklav sog‘liqni saqlash vazirligi G‘azo shahridagi Al-Shifa shifoxonasida suvsizlik va to‘yib ovqatlanmaslikdan yana ikki bola halok bo‘lganini aytdi.

Birlashgan Millatlar Tashkilotining Gumanitar masalalarni muvofiqlashtirish boshqarmasining tegishli ma’lumotlariga ko‘ra, 570 mingdan ortiq aholi (G‘azo aholisining to‘rtdan biri) "ochlikdan bir qadam uzoqda" va anklav shimolidagi ikki yoshgacha bo‘lgan har olti boladan biri to‘yib ovqatlanmaslikdan aziyat chekmoqda.




Manba: www.aniq.uz