Balida sig‘imi 1 litrdan kichik suv idishlarni ishlab chiqarish taqiqlandi

Balida suv uchun sig‘imi 1 litrdan kichik bo‘lgan plastik idishlarni ishlab chiqarish to‘xtatiladi. Bu haqda orol gubernatori Vayan Koster Denpasarda o‘tkazilgan soha vakillari bilan uchrashuvda ma’lum qildi, deb xabar beradi Kompas.

Kosterning so‘zlariga ko‘ra, korxonalar kichik hajmli idishlarni ishlab chiqarishni to‘xtatishlari va qoldiq mahsulotlarni sotib yuborishlari kerak. Uning aytishicha, yangi cheklovlar orol ekologiyasiga tushayotgan yuklamani kamaytirish maqsadida qabul qilinmoqda. 

«Balida sig‘imi 1 litrdan kichik bo‘lgan butilkalar qolmasligi kerak», — deydi u.

Gubernatorning ta’kidlashicha, orolda chiqindilar uchun mo‘ljallangan poligonlarning aksariyati to‘lib ketgan. Chiqindilarning katta qismini bir martalik plastiklar, jumladan, suv idishlari tashkil etadi. u Bali turistlar orasida eng mashhur yo‘nalishlardan biri bo‘lib qolayotgani va atrof-muhit holati mintaqa iqtisodiyotiga to‘g‘ridan-to‘g‘ri ta’sir qilishini eslatib o‘tdi.

Shuningdek, Koster ushbu tashabbus markaziy hukumat tomonidan ma’qullanganini ham qo‘shimcha qildi.