Rossiya Eron sun’iy yo‘ldoshini uchirdi

Rossiyaning «Soyuz» raketasi «Vostochniy» kosmodromidan uchirildi. U suratga olish uchun mo‘ljallangan Eronning Pars-1 sun’iy yo‘ldoshini orbitaga chiqaradi.

Eronning Tasnim axborot agentligining xabar berishicha, sun’iy yo‘ldoshning rangli va qisqa to‘lqinli infraqizil kameralari 100 kun ichida Eronning 95 foizini tasvirlay oladi.

28 yanvar kuni Eron tomonidan ishlab chiqilgan ikki bosqichli Simurg raketasi yordamida orbitaga uchta sun’iy yo‘ldoshni olib chiqdi.

Eron axborot va kommunikasiya texnologiyalari vaziri Iso Zarepur avvalroq Eron yaqin besh yil ichida koinotga odam yuborishni rejalashtirayotganini aytgan edi.


Manba: www.aniq.uz