Hindistonda yo‘lovchi samolyot quladi

Hindiston g‘arbidagi Ahmadobod shahri yaqinidagi aeroportda yo‘lovchi samolyot halokatga uchradi.

Hozircha qurbonlar haqida xabar berilmagan. 

Ijtimoiy tarmoqlarda samolyot turar joylar hududiga qulagani, voqea joyida quyuq tutun ko‘tarilgani aks etgan videolar tarqalgan.

Mahalliy nashrlarda tarqalgan dastlabki xabarlarga ko‘ra, Air India aviakompaniyasi reysi halokatga uchragan. Reuters agentligi xabariga ko‘ra, samolyot Birminghemga uchayotgan bo‘lgan, boshqa xabarlarda uning manzili London bo‘lgani aytilgan.

Jurnalistlarning yozishicha, bortda 242 nafar yo‘lovchi bo‘lgan.