Ukraina va Rossiya o‘rtasida imzolanmagan tinchlik shartnomasi shartlari

Wall Street Journal 2022 yil aprel oyida Ukraina va Rossiya Federasiyasi o‘rtasidagi deyarli kelishilgan, ammo imzolanmagan tinchlik shartnomasi shartlarini e’lon qildi.

- Ukraina Yevropa Ittifoqiga a’zo bo‘lishi mumkin, lekin NATO kabi harbiy ittifoqlarga qo‘shila olmaydi. Ya’ni, YEIga kirish istiqboli bilan mamlakatning neytral maqomi ko‘zda tutilgan edi;

- Barcha bosib olingan hududlardan faqat Qrim Rossiyaning so‘zsiz nazorati ostida qoladi. “L/DPR” kelajagi Zelenskiy va Putin o‘rtasida hech qachon bo‘lmagan shaxsiy muzokaralar chog‘ida belgilanishi kerak edi. 2022-yil 24-fevraldan keyin Rossiya Federasiyasi tomonidan bosib olingan boshqa hududlarga kelsak, The Wall Street Journal maqolasida ular haqida so‘z yuritilmagan, biroq avvalroq muzokaralarda qatnashgan bir qator odamlar Moskva Rossiya qo‘shinlarini ulardan olib chiqib ketishga rozi bo‘lganini ta’kidlagan edi;

- Rus tili rasmiy sohada ukrain tili bilan teng ravishda qo‘llanilishi kerak. Ammo Ukraina bu borada rozi bo‘lmadi;

- Rossiya IJMning Ukrainadagi harbiy jinoyatlarni tergov qilishini istamadi. Ukraina bu borada rozi bo‘lmadi;

- Ukraina barcha o‘zaro sanksiyalarning bekor qilinishiga rozi bo‘lmadi.
Manba: www.aniq.uz