Italiyaning o‘rniga Albaniya muhojirlarni qabul qiladi

Albaniya parlamenti Italiya qirg‘oq qo‘riqlash xizmati tomonidan xalqaro suvlarda qutqarilgan minglab muhojirlarning boshpana so‘rovlarini qabul qilish bo‘yicha Italiya bilan kelishuvni tasdiqladi. Bu haqda Euronews xabar berdi.

Jorji Meloni hukumati bilan imzolangan besh yillik protokol bo‘yicha Tirana bir vaqtning o‘zida 3000 ga yaqin muhojirga boshpana berishi mumkin. Mamlakat har yili 36 000 boshpana izlovchini qabul qilishi kutilmoqda.

Italiya o‘z yurisdiksiyasida bo‘ladigan ikkita markaz qurilishi uchun pul to‘laydi. Albaniya o‘z chegaralaridan tashqarida xavfsizlikni ta’minlaydi. Bolalar va homilador ayollar ushbu loyihadan chetlashtiriladi.






Manba: www.aniq.uz