Isroil armiyasi 7 martgacha harbiy harakatlarni to‘xtatdi

Isroil armiyasi 2 mart kuni G‘azo janubidagi Rafah va Dayr al-Baloh hududlarida o‘tkazilayotgan harbiy amaliyotlar 7 martgacha to‘xtatilganini ma’lum qildi. Bu haqda CNN nashri xabar berdi.

Xabarda keltirilishicha, G‘azoga eng ko‘p yordam yuklari olib kirilayotgan Rafah o‘tkazish punkti hozirda nisbatan nofaol ishlamoqda. Isroil bilan chegaradagi Kerem Shalom o‘tkazish nuqtasi esa HAMAS tomonidan garovga olinganlarni ozod qilishga chaqirgan namoyishchilar tomonidan to‘sib qo‘yilgan.

G‘azoga hozirda faqat havodan yordam jo‘natish imkoni mavjud. Gumanitar inqiroz chuqurlashmasligi uchun Tel-Avivdagi hukumat o‘t ochishni to‘xtatishga qaror qilgan.






Manba: www.aniq.uz